ИДЭРЧҮҮДИЙН УЛСЫН АВАРГА ШАЛГАРУУЛАХ ТЭМЦЭЭНД АМЖИЛТТАЙ ОРОЛЦСОН БАГ ТАМИРЧДАА ХҮЛЭЭН АВЛАА.

ОУХМ С.Кенесханы нэрэмжит “ХОВД-2019” Идэрчүүдийн Монгол улсын аварга шалгаруулах тэмцээн Ховд аймагт амжилттай явагдаж өндөрлөллөө.

Тус тэмцээнд Говь-Алтай аймгийн Ж.Уранчимэг дасгалжуулагчтай эрэгтэй шигшээ баг хүрэл медалийн болзол хангасан юм. Тэгвэл өнөөдөр баг тамирчидаа аймгийн Засаг дарга С.Гансэлэм, аймгийн Засаг даргын орлогч Ж.Ганбат тэргүүтэй холбогдох албаны хүмүүс хүлээн авж, баяр хүргэн 3 сая төгрөгийг батламжийг гардуулан өглөө.

Уулзалтын үеэр аймгийн Засаг дарга С.Гансэлэм баг тамирчидад баяр хүргэж, ирэх жилийн Улсын аварга шалгаруулах тэмцээнийг аймагтаа зохион байгуулж, тус тэмцээнд аймгаа төлөөлөн амжилттай оролцож,  тэргүүн байр эзэлбэл 10 сая төгрөг, 2-р байр эзэлбэл 6 сая төгрөг, 3-р байр эзэлбэл 3 сая төгрөг өгөхөө амаллаа.

НИЙТЭЛСЭН: 2019-04-10 11:00:38