ШАВ ТАВИХ ЁСЛОЛЫН АЖИЛЛАГАА
ШАВ ТАВИХ ЁСЛОЛЫН АЖИЛЛАГАА
Огноо : 2011-08-16 08:20:50Монгол улсын 17 дахь Ерөнхий сайд асан, Гавьяат эдийн засагч, Төр нийгмийн нэрт зүтгэлтэн Пунцагийн Жасрай агсаны дурсгалыг мөнхжүүлэх зорилгоор хүрэл хөшөө бүхий цэцэрлэгт хүрээлэнг байгуулах шав тавих ёслол Алтай хотод өнөөдөр боллоо.
Шав тавих ёслолын нээлтийн ажиллагаанд УИХ-ын гишүүн, “Алтайн хөгжил XXI зуун” ТББ-ын тэргүүн” Ц.Дашдорж, аймгийн ИТХ-ын дарга Ш.Эрдэнэбат, Засаг дарга Ш.Амгаланбаяр холбогдох албаны хүмүүс оролцлоо.
УИХ-ын гишүүн Ц.Дашдорж, Засаг дарга Ш.Амгаланбаяр нар нээлтийн ажиллагааг нээж үг хэлж, шав тавих ёслолд оролцлоо.
Цэцэрлэгт хүрээлэнг Монгол улсыг тунхагласан өдөр буюу П.Жасрай агсаны төрсөн өдрийг тохиолдуулан 2011 оны 11 дүгээр сарын 26-ны өдөр нээхээр төлөвлөж байна.
Цэцэрлэгт хүрээлэн байгуулах санаачлагыг УИХ-ын гишүүн, “Алтайн хөгжил XXI зуун” ТББ-ын тэргүүн Ц.Дашдорж гаргаж, аймаг орон нутгийн удирдлагууд дэмжиж хамтран байгуулахаар ажиллаж байна.
Мөн энэ өдөр төрийн хяналт шалгалт явуулдаг Аудитын байгууллага албан конторынхоо барилгын шавыг тавьж УИХ-ын гишүүн Ц.Дашдорж, аймгийн ИТХ-ын дарга Ш.Эрдэнэбат нар нээлтийн үгийг хэлж, шав тавих ёслолд аймаг орон нутгийн удирдлагууд оролцлоо.
Найрамдалын хороо, Харзат багт баригдах “Ус түгээх цэг”-ийн барилгын шав тавих ёслолын ажиллагаанд УИХ-ын гишүүн Ц.Дашдорж, аймгийн ИТХ-ын дарга Ш.Эрдэнэбат, Засаг дарга Ш.Амгаланбаяр нар оролцож нээлтийн ажиллагаанд үг хэлж шав тавих ёслолыг ард иргэдтэйгээ хамтран гүйцэтгэлээ.